UEFA İntizam Komitəsi İspaniyanın "Real Madrid" klubunun futbolçusu Serxio Ramosu 2 oyunluq cəzalandırıb.
Sportnet.az-ın məlumatına görə, 33 yaşlı müdafiəçi Çempionlar Liqasında Hollandiya "Ayaks"ı ilə ilk 1/8 final matçında bilərəkdən sarı vərəqə almaqda şübhəli bilinir. Araşdırmalar üçün səbəb kapitanın bir oyunluq cəzanı erkən mərhələlərdə çəkmək üçün bilərəkdən sarı vərəqə aldığına dair açıqlaması olub. Amsterdamdakı qarşılaşmanın 89-cu dəqiqəsində o, Kasper Dolberqə qarşı kobudluq edərək, cavab görüşü üçün cəzalı duruma düşüb. Sonradan təcrübəli futbolçu sözlərini təkzib edib.
Qərara əsasən, Ramos "Ayaks"la cavab görüşünü və "Real Madrid" 1/4 finala yüksəlsə, ilk matçı buraxmalı olacaq.
Qeyd edək ki, Serxio Ramos 2010 və 2013-cü illərdə bilərəkdən sarı vərəqə alıb. Nəticədə o, turnir əhəmiyyəti olmayan növbəti oyunları buraxıb.
