UEFA İntizam Komitəsi Avropa Liqasında III turun "Slovan" (Slovakiya) - "Sparta" (Çexiya) oyunu zamanı baş verən insidentlə bağlı qərarlarını açıqlayıb. Sportnet.az-ın məlumatına görə, ilk yarının sonlarında qonaq komanda fanatlarının törətdiyi toqquşma üzündən "Sparta" 80 min avro cərimələnib.
Habelə, UEFA Çexiya klubunun stadionuna 2 illik şərti cəza verib. Oxşar insident təkrarlansa, "Sparta" gələcəkdə ev oyunlarını azarkeşsiz keçirə bilər. Yaxın vaxtlarda Praqa təmsilçisi qərardan apellyasiya vermək niyyətindədir.
Öz növbəsində, "Slovan" da cəzalandırılıb. Bratislava klubu pis təşkilatçılıq səbəbindən 50 min avro ziyana düşüb.
