Bu gün Avropa Liqasında
qrup mərhələsi çərçivəsində Tofiq Bəhramov adına Respublika Stadionunda
"Dnepr" klubunu qəbul edən "Qarabağ” məğlub olub. Sportnet.az-ın məlumatına görə, oyundan sonra "Qarabağ”ın müdafiəçisi Maksim
Medvedev oyun haqda fikirlərini bildirib.
Medvedev
ilk öncə oyun haqda danışıb: "Dnepr” bura 3 xal üçün gəlmişdi. Bizdə buna hazır
idik. Lakin öz səhvlərimizdən qol buraxdıq. Son toplardan yaxşı istifadə edə
bilsəydik qalib gələrdik. Konoplyankaya qarşı oynamaq heç də asan deyil. Ümumiyyətlə
"Dnepr”in bütün hücumçuları təhlükəlidir. Rəqib bizdən yaxşı oynamadı. Onlara
qol epizodları xaricində şans vermədik. Ama nəticədə məğlub olduq”.
"Qarabağ”ın
futbolçusu sonda azarkeşlərə minnətdarlığını bildirib: "Azarkeşlərə
göstərdikləri dəstəyə görə təşəkkür edirəm. Növbəti oyunlarda səhvlərimizi
düzəldəcəyik”.
Qeyd edək ki, "Qarabağ" - "Dnepr" oyunu 1:2 hesabı ilə Ukraynalıların xeyrinə başa çatıb.
