“Zirə” Azərbaycan Premyer Liqasının II dövrəsində ardıcıl ikinci səfər matçında “Sabah”la üz-üzə gələcək.
Sportnet.az-ın məlumatına görə, turnir cədvəlinin autsayderi ilə oyun iki komanda arasında 6-cı qarşılaşma olacaq.
“Zirə” “Sabah”la ilk dəfə ötən mövsüm görüşüb. Debütantla ilk üç matçda uduzan komanda mövsümün son görüşündə rəqibinə böyükhesabla qalib gəlib. Cari mövsümün III turundakı qarşılaşmada heç-heçə edən “Zirə” iki oyundur rəqibinə uduzmur.
Çempionat çərçivəsində baş tutan bu beş görüşdə 1 qələbə, 1 heç-heçə və 3 məğlubiyyəti olan “Qartallar” rəqib qapısından 5 top keçirib, 7-ni buraxıb. "Zirə"nin qollarına 4 futbolçu imza atıb. Xulio Sezar Rodriqez iki, digər üç oyunçu hərəyə bir dəfə fərqlənib.
“Zirə” üçüncü dəfə “Sabah”ın qonağı olacaq. Komandanın evdəki matçlarında iki qol vurulursa, səfər görüşlərinin hər birində üç top qeydə alınıb. İlk səfər oyununda 1:2 hesabı ilə uduzan qəsəbə təmsilçisi yeganə qələbəsini də “Sabah”ın meydanında əldə edib. Komandanın 2 səfər oyununda 1 qələbə və 1 məğlubiyyətə təsadüf olunub. Top fərqi də “Qartallar”ın xeyrinədir – 4:2.
Qeyd edək ki, “Sabah” – “Zirə” oyunu oktyabrın 26-da “Bank Respublika Arena”da keçiriləcək. Matç saat 18:00-da başlayacaq.
“Zirə” – “Sabah”: Bütün oyunlar
2018/19 mövsümü
25.08.2018. “Zirə” – “Sabah” – 0:2
Marko Deviç, 2, 30
27.10.2018. “Sabah” – “Zirə” – 2:1
Məqsəd İsayev, 45+1; Cavid İmamverdiyev, 90+2 - Tellur Mütəllimov, 73
02.02.2019. “Zirə” – “Sabah” – 0:2
Marko Deviç, 47 (pen.). Rəşad Eyubov, 68
11.05.2019. “Sabah” – “Zirə” – 0:3
Xulio Sezar Rodriqez, 38, 81. Robin Nqalande, 69
2019/2020 mövsümü
31.08.2019. “Zirə” – “Sabah” – 1:1
Soni Norde, 88 - Amadu Diallo, 35
