Zaqatalanın "Simurq" klubu futbolçusu Tural Axundovla yeni müqavilə imzalayıb. Sportnet.az-ın klubun rəsmi saytına istinadən məlumatına görə, 26 yaşlı müdafiəçi ilə anlaşma daha iki il uzadılıb.
Ötən mövsümün əvvəlində "Simurq"a cəlb olunan Axundov Premyer Liqada 44 matçda "sarı-qara" forma geyinib. O, 2017-ci il iyunun sonunadək əyalət klubunun uğurları üçün çalışacaq.
Qeyd edək ki, bunadək Tural Axundov "Muğan"da və "Rəvan"da karyerasın davam etdirib və 94 matçda forma geyinib.
