"Bu görüşlər komanda üçün çox faydalıdır. Çünki bütün futbolçulara şans veririk. Bu, onların hazırkı durumunu bilmək, həm də oyunçulardan bəzilərini müxtəlif mövqelərdə yoxlamaq imkanı verir. Qış fasiləsində heyəti gücləndirməyimiz vacibdir”.
Sportnet.az xəbər verir ki, bunu "Qəbələ"nin baş məşqçisi Elmar Baxşıyev toplanışı Türkiyənin Antalya bölgəsindəki təlim-məşq toplanışında Rusiyanın "Çayka" klubuna 3:0 hesabı ilə qalib gəldikləri yoxlama matçından sonra deyib.
Baxşıyev hazırlıq prosesi barədə də fikirlərini bölüşüb: “Antalya toplanışının ilk həftəsini arxada qoymuşuq. Bu 7 gün ərzində hər şey qaydasında, məşq prosesi plan üzrə gedir. Komanda üzvləri məşqlərdə verilən tapşırıqları əzm və istəklə yerinə yetirirlər. Oyunçuların hazırlıq prosesinə belə yanaşması bizi sevindirir”.
