Azərbaycan Premyer Liqasında mövsümün qalan hissəsinə hazırlaşan "Sumqayıt" və "Qəbələ" komandaları yoxlama oyununda üz-üzə gəlib.
Sportnet.az-ın məlumatına görə, "Kapital Bank Arena"da təşkil olunmuş qarşılaşma 2:2 hesablı heç-heçə ilə yekunlaşıb. İlk qolu 7-ci dəqiqədə meydan sahiblərinin istedadlı futbolçusu Elvin Cəfərquliyev vurub. 35-ci dəqiqədə "Sumqayıt"ən hücumçusu Mehdi Şərifi penaltidən yararlana bilməyib.
Əvəzində "Qəbələ"dən Roman Hüseynov 40-cı dəqiqədə bərabərlik qolunu vurub, 59-cu dəqiqədə isə Nikolas Raysel penaltini dəqiq yerinə yetirib. "Sumqayıt"ın bərabərlik qoluna 73-cü dəqiqədə Amil Yunanov imza atıb.
Beləliklə, bu gün keçirilmiş hər üç oyunda qapılara 4 qol vurulub. Daha əvvəl "Neftçi" "Keşlə"ni 3:1 hesabı ilə yenib. "Zirə" - "Səbail" oyununda isə qalib müəyyənləşməyib - 2:2.
---------------
Azərbaycan Premyer Liqasında mövsümün qalan hissəsinə hazırlaşan "Zirə" və "Səbail" komandaları yoxlama matçında üz-üzə gəliblər.
Sportnet.az-ın məlumatına görə, Zirə İdman Kompleksinin stadionunda təşkil olunmuş qarşılaşmada qalib müəyyənləşməyib - 2:2.
Hesabı 15-ci dəqiqədə meydan sahiblərindən Ağabala Ramazanov açıb. 30-cu dəqiqədə Maykl Essyen bərabərlik qolunu vurub. 49-cu dəqiqədə Turan Manafov qonaqları hesabda irəli keçirib. 69-cu dəqiqədə isə Mfo Kqasvane oyunda son nöqtəni qoyub.
------------------------
"Neftçi" və "Keşlə" komandaları arasında yoxlama oyunu keçirilib.
Sportnet.az-ın məlumatına görə, "Bakcell Arena"da baş tutan görüş "Neftçi"nin 3:1 hesablı qələbəsi ilə başa çatıb.
Qarşılaşmada hesab 10-cu dəqiqədə açılıb. "Ağ-qaralar"ın kapitanı Emin Mahmudov cərimə meydançasında özünə qarşı kobudluqdan sonra təyin olunmuş penaltini dəqiq yerinə yetirib.
28 yaşlı yarımmüdafiəçi cəmi iki dəqiqə sonra hesab arasındakı fərqi artırıb - 2:0. İlk hissədə başqa qol olmayıb və komandalar fasiləyə bu hesabla yollanıblar.
İkinci hissəyə "Keşlə" daha yaxşı başlayıb. Bunun məntiqi nəticəsi kimi qonaqlar 65-ci dəqiqədə hesab arasındakı fərqi azaldıblar. Fasilədən sonra meydana daxil olan Aleksandr Kristovao fərqlənib.
Oyunda son nöqtəni də "Neftçi" qoyub. Rəhman Hacıyev əsas vaxta əlavə olunmuş üçüncü dəqiqədə hesabı 3:1 edib.
Beləliklə, "Neftçi" koronavirus pandemiyası ilə bağlı karantin dövründə keçirdiyi ilk oyunda qələbə qazanıb.
----------------
Koronavirus pandemiyası səbəbindən dayandırılan Azərbaycan Premyer Liqasının bərpasına hazırlaşan komandalar yoldaşlıq görüşləri keçirir.
Sportnet.az xəbər verir ki, bu gün daha üç matç baş tutacaq. Turnir cədvəlinin qonşu pillərində qərarlaşan "Neftçi" və "Keşlə" "Bakcell Arena"da üz-üzə gələcək. Görüş saat 18:00-da başlayacaq.
"Zirə" eyniadlı idman kompleksinin stadionunda "Səbail"i sınağa çəkəcək.
Günün son oyunu isə Sumqayıtda olacaq. Şəhərin eyniadlı komandası "Qəbələ" ilə qarşılaşacaq. “Kapital Bank Arena”dakı matç saat 20:00-da start götürəcək.
Yoxlama görüşləri
18:00. “Neftçi” - “Keşlə” - 3:1
Qollar: Emin Mahmudov, 10 (pen.); 12. Rəhman Hacıyev, 90+2 - Aleksandr Kristovao, 65
"Neftçi": 1.Səlahət Ağayev 3. Mamadu Mbodj, 5. Anton Krivotsyuk, 7. Namik Ələskərov, 8. Emin Mahmudov (k), 9. Baqali Dabo, 18. Tural Axundon, 28. Stiven Jozef-Monroz, 36. Mamadu Kane, 88. Saman Nərimancahan
“Bakcell Arena”
18:00. "Zirə" - "Səbail" 2:2
Qollar: Ağabala Ramazanov, 15, Mfo Kqasvane, 69 - Maykl Essyen, 32.Turan Manafov, 49
"Zirə": 12. Emil Balayev, 3. Alie Sesay, 4. Elvin Camalov, 6. Alvaro Ampuero, 10. Ağabala Ramazanov, 11. Davit Volkov, 14. Bəxtiyar Həsənalızadə, 18. George Anton, 43. Riçard Qadze, 48. Şafik Tiqruca, 55. Rauf Hüseynli
Zirə İdman Kompleksinin stadionu
20:00. “Sumqayıt” - “Qəbələ” - 2:2
Qollar: Elvin Cəfərquliyev, 7. Amil Yunanov, 73 - Roman Hüseynov, 40. Nikolas Raysel, 59 (pen.)
İstifadə olunmamış penalti: Mehdi Şərifi, 35 (Sumqayıt")
"Sumqayıt": 13. Aydın Bayramov, 3. Vurğun Hüseynov (k.), 5. Cəmaləddin Xocaniyazov, 6. Vüqar Mustafayev, 10. Əmir Ağayev, 18. Süleyman Əhmədov, 22. Sərtan Taşqın, 44. Elvin Cəfərquliyev, 70. Mehdi Şərifi, 90. Rəhim Sadıxov, 97. Xəyal Nəcəfov
"Qəbələ": 1. Anar Nəzirov, 2. Amin Şeydayev, 19. Rövlan Muradov, 3. İvitsa Zuniç, 4. Sadiq Quliyev, 74. Yusif Nəbiyev, 14. Ülvü İsgəndərov, 7. Roman Hüseynov, 22. Rodriqo Qattas, 12. Abdelrafik Jerar, 55. İdris İnqilablı
“Kapital Bank Arena”
