Türkiyənin "Ankaraspor" klubunun gənc futbolçusu Sedat Yüce ölüb. Sportnet.az-ın məlumatına görə, hadisə 20 yaşlı oyunçunun Alanyada istirahəti zamanı baş verib.
Yüce dənizdə boğularaq ölüb. Faciəvi hadisə ilə əlaqədar Türkiyə Futbol Federasiyası başsağlığı mətni yayımlayıb.
Yüce futbola Amasya şəhərində başlayıb. O, sonradan "Samsunspor"un aşağı yaş qrupları üzrə komandasına cəlb olunub. Futbolçunun son klubu "Ankaraspor" olub. Yüce 2013-cü il Aralıq dənizi olimpiadasında Türkiyənin U-19 millisinin formasını da geyinib.
