Topaz Premyer Liqasının XVII turunda "Qarabağ” rəqib meydanında "Xəzər Lənkəran”ı 3:2 hesabı ilə məğlub edib. Sportnet.az-ın PFL-in rəsmi saytına istinadən məlumatına görə, ağdamlıların baş məşqçisi Qurban Qurbanov qələbəyə belə şərh verib.
"Fanatlar üçün çox maraqlı oyun alındı. Onlara öz təşəkkürümü bildirmək istəyirəm. Həmişə bizə dəstək olurlar. Nəticəyə gəldikdə, çox vacib 3 xalı qazandıq. Avropa Liqasında mübarizəni dayandırdıqdan sonra nəhayət ki, qələbə qazandıq. "Xəzər Lənkəran" komandasına uğurlar arzulamaq istəyirəm. Biz isə qarşıdakı oyunlara hazırlaşıb, lazım olan nəticəni qazanmağa çalışacağıq".
