16 ildən sonra Çempionlar Liqası matçında iki ABŞ futbolçusu bir komandanın heyətində meydana çıxıb.
Sportnet.az-ın məlumatına görə, İspaniya "Barselona"sının heyətində Serjinyo Dest və Konrad De La Fuente IV turda Ukraynda Kiyev "Dinamo"su ilə görüşdə iştirak edib.
Dest matça start heyətdə başlayıb və sonadək meydanda olub. Cinah müdafiəçisi 52-ci dəqiqədə hesabı açıb. Fuente isə 83-cü dəqiqədə meydana daxil olub.
Son olaraq 2004-cü ildə qapıçı Tim Hovard və müdafiəçi Conatan Spektor İngiltərə "Mançester Yunayted"inin heyətində Türkiyə "Fənərbağça"sını 3:0 hesabı ilə məğlub etdikləri görüşdə meydanda olub.
Qeyd edək ki, "Barselona" "Dinamo"nu 4:0 hesabı ilə məğlub edib.
