"Xəzər Lənkəran”ın sabiq baş məşqçisi Mustafa Dənizli Türkiyənin "Qalatasaray” klubuna baş məşqçi təyin oluna bilər. Sportnet.az-ın "Haber Türk”ə istinadən məlumatına görə, "sarı-qırmızılar” Roberto Mançinini 65 yaşlı mütəxəssislə əvəzləmək istəyir.
Məlumatda qeyd olunur ki, bu məsələyə klubun 15 iyundakı toplantısından sonra aydınlıq gələcək. İstanbul klubunun prezidenti Ünal Aysalın açıqlamasında dediyi "Mançini istərsə, gedə bilər” ifadəsi də bu iddiaların gerçəkləşmə ehtimalını gücləndirir. Superliqa təmsilçisi klubu yaxından tanıyan və zəngin karyerası onan Dənizli ilə daha çox nailiyyət qazanacağına ümid edir.
Qeyd edək ki, bundan əvvəl "Qalatasaray”ın Dənizlini idman direktoru gətirəcəyi ilə bağlı xəbərlər yayılıb.
