Azərbaycan Premyer Liqasında XV tura yekub vurulub.
Sportnet.az xəbər verir ki, turun sonuncu matçında "Zirə" "Sabah"ı qəbul edib.
Qarşılaşma 2:2 hesabı ilə yekunlaşıb. "Sabah"ın heyətində Kevin Kubemba 9-cu dəqiqədə hesabı açıb. 79-cu dəqiqədə Davit Volkov bərabərlik qolunu vurub. Kubemba 82-ci dəqiqədə özünün və komandasının ikinci qoluna imza atıb. 90+3-cü dəqiqədə isə Klesio Bauk növbəti dəfə tarazlığı bərpa edib.
Bu nəticədən sonra "Sabah" 14-cı xalını qazanaraq 6-cı pilləyə yüksəlib. "Zirə" isə 24 xalla 3-cü sırada qərarlaşıb.
Qeyd edək ki, günün ilk qarşılaşmasında "Qəbələ" evdə "Keşlə"ni 2:0 hesabı ilə məğlub edib. XV turun digər oyunlarında "Neftçi" səfərdə "Qarabağ"ı 2:1, "Sumqayıt" isə evdə "Səbail"i 3:0 hesabı ilə üstələyib.
---------------------------------------------
Azərbaycan Premyer Liqasında XV turun daha bir oyunu keçirilib.
Sportnet.az-ın məlumatına görə, turun üçüncü matçında "Qəbələ" "Keşlə"ni qəbul edib.
Qarşılaşma meydan sahiblərinin 2:0 hesablı qələbəsi ilə yekunlaşıb. Əyalət təmsilçisinin qollarını 50-ci dəqiqədə Merab Giqauri, 70-ci dəqiqədə isə Rafael Utriq vurub.
Bu qələbə sayəsində 18-ci xalını qazanan "Qəbələ" 5-ci pillədəki mövqeyini qoruyub. "Keşlə" isə 13 xalla 6 - 8-ci yerləri bölüşdürür.
Qeyd edək ki, tura bu gün keçiriləcək "Zirə" - "Sabah" oyunu ilə yekun vurulacaq. XV turun digər oyunlarında "Neftçi" səfərdə "Qarabağ"ı 2:1. "Sumqayıt" isə "Səbail"i 3:0 hesabı ilə üstələyib.
-----------------------------------------------------
Bu gün Azərbaycan Premyer Liqasında XV turun daha iki oyunu keçiriləcək.
Sportnet.az-ın məlumatına görə, günün ilk matçı Qəbələdə olacaq. Şəhərin eyniadlı komandası "Keşlə"ni qəbul edəcək. Hazırda Əyalət təmsilçisi 15 xalla 5-ci, paytaxt klubu 13 xalla 7-ci yerdə gedir.
Komandalar indiyədək çempionatda 49 dəfə üz-üzə gəliblər. 13 dəfə "Qəbələ", 18 dəfə "Keşlə" 3 xal əldə edib. 18 oyunda heç-heçə qeydə alınıb. Topların fərqində də paytaxt təmsilçisi üstündür - 65:48. "Qəbələ" son 5 matçda qalib gələ bilməyib. “Keşlə” isə səfərdə 6 oyundur uduzmur.
Digər tərəfdən, Sənan Qurbanov "Keşlə"nin yeni baş məşqçisi kimi çempionatda debüt oyununu məhz keçmiş komandası "Qəbələ"yə qarşı keçirəcək. O, 2019/2020 mövsümünün III turunda evdə elə "Keşlə" klubuna 0:4 hesabı ilə uduzduqları görüşdən sonra əyalət komandasından istefa vermişdi. 2019-cu il 31 avqusta təsadüf etmiş görüşdən sonra Qurbanov işsiz idi. 40 yaşlı mütəxəssis "Keşlə"yə yanvarın 25-də baş məşqçi təyin olunub.
Tura "Zirə" - "Sabah" qarşılaşması ilə yekun vurulacaq. Hazırda "qartallar" 23 xalla 3-cü, masazırlılar isə 13 xalla 8-ci pillədə qərarlaşıb.
Rəqiblər Premyer Liqada 10-cu dəfə qarşılaşacaqlar. Əvvəlki 9 duelin 3-də "Zirə", 4-də isə "Sabah" qələbə qazanıb. Topların fərqində isə "Sabah"ın minimal hesablı üstünlüyü var - 11:10. "Zirə" son 6 matçda yalnız 1 dəfə uduzub. Zirədəki oyunların hamısında eyni sayda – 2 qol vurulub.
Azərbaycan Premyer Liqası, XV tur
14 fevral (bazar)
15:00. “Qəbələ” – “Keşlə"- 2:0
Qollar: Merab Giqauri, 50. Rafael Utriq, 70
Hakimlər: Rauf Cabarov, Akif Əmirəli, Nahid Əliyev, Rəhim Həsənov
Hakim-inspektor: Ramil Diniyev
AFFA nümayəndəsi: İlham Əliyev
Qəbələ şəhər stadionu.
17:00. “Zirə” – “Sabah” - 2:2
Qollar: Davit Volkov, 79. Klesio Bauk, 90+3 - Kevin Kubemba, 9. 82
Hakimlər: Kamal Umudlu, Cavanşir Yusifov, Rahil Ramazanov, Rauf Allahverdiyev
Hakim-inspektor: İmanxan Sultani
AFFA nümayəndəsi: Bəhram Qurbanov
Zirə İdman Kompleksinin stadionu.
Qeyd edək ki, turun ilk oyun günündə "Sumqayıt" evdə "Səbail"i 3:0, "Neftçi" səfərdə "Qarabağ"ı 2:1 hesabı ilə yenib.
