UEFA Çempionlar Liqasında 1/4 final mərhələsinin bütün iştirakçıları müəyyənləşib.
Sportnet.az-ın məlumatına görə, 1/8 finalın son iki cavab matçından sonra Almaniyanın "Bavariya" və İngiltərənin "Çelsi" klubları növbəti raunda vəsiqə qazanıblar.
Münhen təmsilçisi evdə İtaliya "Latsio"suna, londonlular isə İspaniyanın "Atletiko" (Madrid) komandasına qalib gəlib.
Qeyd edək ki, daha əvvəl Almaniyanın "Borussiya" (Dortmund), Portuqaliyanın "Portu", İngiltərənin "Liverpul" və "Mançester Siti", İspaniyanın "Real Madrid" və Fransanın PSJ klubları 1/4 finala adlayıblar. Bu mərhələnin püşkü martın 19-da atılacaq.
--------------------------
Bu gün UEFA Çempionlar Liqasında 1/8 final mərhələsinə yekun vurulacaq.
Sportnet.az xəbər verir ki, son iki cavab oyunundan biri İngiltərədə, digəri Almaniyada baş tutacaq.
"Çelsi" İngiltərədə İspaniyanın "Atletiko" (Madrid) komandasını qəbul edəcək. İlk görüşdə 1:0 hesablı qələbə qazanan London təmsilçisi oyuna itkilərlə çıxacaq. Yarımmüdafiəçilər Meyson Maunt və Jorjinyo cəzalı olduqları üçün komandaya kömək edə bilməyəcək. Zədəli futbolçulardan Tyaqo Silva və Temmi Abrahamın durumuna oyun vaxtı aydınlıq gələcək. İspaniya klubunda isə itki yoxdur.
Günün digər qarşılaşmasında "Bavariya" Almaniyada İtaliya "Latsio"su ilə qarşılaşacaq. Romada rəqibini 4:1 hesabı ilə üstələyən Münhen təmsilçisinin 1/4 finala yüksələcəyini indidən demək olar. Meydan sahiblərində Duqlas Kosta və Korenten Tolisso zədəlidir. "Latsio"da isə Manuel Lazzari eyni səbəbdən matçı buraxa bilər.
Çempionlar Liqası
1/8 final, cavab oyunları
24:00. "Çelsi" (İngiltərə) - "Altetiko" Madrid (İspaniya) - 1:0
Qollar: Hakim Ziyeş, 34, Emerson, 90+4
İlk oyun - 1:0
Qırmızı vərəqə: Stefan Saviç, 82 ("Atletiko")
24:00. "Bavariya" (Almaniya) - "Latsio" (İtaliya) - 2:1
Qollar: Robert Levandovski, 33 (penalti), Erik Şupo Motinq, 73 - Marko Parolo
İlk oyun - 4:1
Qeyd edək ki, daha əvvəl Almaniyanın "Borussiya" (Dortmund), Portuqaliyanın "Portu", İngiltərənin "Liverpul" və "Mançester Siti", İspaniyanın "Real Madrid" və Fransanın PSJ klubları 1/4 finala vəsiqə qazanıblar.
