"Neftçi"nin futbolçusu Denis Silva Azərbaycan çempionatlarında 150-ci oyununu keçirib. Spportnet.az-ın məlumatına görə, 30 yaşlı braziliyalı müdafiəçinin yubileyi vaxtilə şərəfini qoruduğu "Xəzər Lənkəran”la qarşılaşmaya təsadüf edib.
Premyer Liqada cənub təmsilçisinin heyətində debüt edən Denis 150-yə bu komanda ilə görüşdə çatıb. Azərbaycan çempionatlarında yalnız iki klubun formasını geyən arxa xətt oyunçusu ölkəmizdəki 8 mövsümdə 8 qol vurub.
Braziliyalıya qədər milliləşənlər də daxil olmaqla, 8 legioner Premyer Liqada 150 və daha çox oyun keçirib. Denis bu siyahıya 9-cu oyunçu kimi daxil olub. O, çempionatda ən çox matç keçirən cənubi amerikalı olduğundan, 150-yə çatan ilk belə futbolçudur.
