AZAL klubunun futbolçusu Eduardo Konseysao Masiel Türkiyədə əməliyyat olunub. Sportnet.az-ın klubun rəsmi saytına istinadən verdiyi məlumata görə, braziliyalı legioner Ankaradakı "İbn Sina" xəstəxanasında həkim Mehmet Binnət tərəfindən əməliyyat olunub.
Sağ dizinin ön çarpaz bağları qopmuş Edunun iki saat çəkən əməliyyatı uğurlu bitib. "Sambaçı" fevralın 17-də Azərbaycana dönəcək. Növbəti iki ay ərzində əsa ilə hərəkət edəcək və özəl xəstəxanaların birində müalicəsini davam etdirəcək orta xətt oyunçusu yalnız 4,5 aydan sonra komanda ilə birgə məşqlərə qatıla biləcək. Amma istənilən halda cari mövsüm Edu üçün artıq başa çatıb.
