2022-ci il dünya çempionatının Avropa zonası üzrə seçmə mərhələsində VIII tura start verilib.
Sportnet.az-ın məlumatına görə, ilk oyun günündə E, G, H və J qruplarında ümumilikdə 11 qarşılaşma keçirilib.
E qrupunda Estoniya evdə Uelsə, Belarus isə Çexiyaya uduzub.
G qrupunda Türkiyə millisi Latviyanın qonağı olub. Görüş "ay-ulduzlular"ın 2:1 hesablı qələbəsi ilə başa çatıb. Qarşılaşmada hər 3 qolu türkiyəli futbolçular vurublar. 70-ci dəqiqədə Merih Demiral avtoqol müəllifi olub. 6 dəqiqə sonra Serdar Dursun tarazlığı bərpa edib.
Matçın sonları olduqca dramatik alınıb. Cərimə meydançasında Burak Yılmaza qarşı kobudluqdan sonra türkiyəli oyunçular penalti tələb ediblər. Görüşün baş hakimi Andreas Ekberq əvvəlcə oyunu davam etdirsə də, sonradan VAR-a müraciət edib. Epizodu yenidən izləyən isveçli referi meydan sahiblərinin qapısına penalti təyin edib. 11 metrlik nöqtəyə yaxınlaşan Yılmaz dəqiq zərbə ilə komandasına vacib qələbə qazandırıb. Bu qrupun digər matçlarında lider Niderland xalsız Cəbəllütariqi darmadağın edib, 2-ci yerdə gedən Norveç isə Monteneqroya qalib gəlib.
H qrupunda Xorvatiya Slovakiya ilə bacarmayıb, Sloveniya evdə Rusiyaya məğlub olub, Kipr - Malta matçında isə qalib müəyyənləşməyib.
J qrupunda Rumıniya Ermənistanı, Şimali Makedoniya Almaniyanı, İslandiya Lixtenşteyni qəbul edib. Səfərdə Şimali Makedoniyaya qalib gələn Bundestim vaxtından əvvəl dünya çempionatına vəsiqəni təmin edib. Buna Ermənistanın Rumıniyaya uduzması səbəb olub.
--------------------------------------------
2022-ci il dünya çempionatının Avropa zonası üzrə seçmə mərhələsində bu gün VIII tura start veriləcək.
Sportnet.az-ın məlumatına görə, ilk oyun günündə E, G, H və J qruplarında ümumilikdə 11 qarşılaşma keçiriləcək.
E qrupunda Estoniya Uelsi, Belarus isə Çexiyanı qəbul edəcək. Uels Estoniyaya qalib gələ bilməsə, Belçika bu tur istirahət edəcəyi halda, dünya çempionatına qrup lideri kimi vəsiqə qazanacaq.
G qrupunda Türkiyə millisi Latviyanın qonağı olacaq. Hazırda 12 xalla 3-cü pillədə olan "ay-ulduzlular" qrup lideri kimi mundiala birbaşa vəsiqə şanslarını qorumaq üçün mütləq qalib gəlməlidirlər. Bu qrupun digər matçlarında lider Niderland xalsız Cəbəllütariqi, 2-ci yerdə gedən Norveç isə Monteneqronu qəbul edəcək. Türkiyə Latviyaya uduzsa və Monteneqro Norveçi yenə bilməsə, "narıncılar" "cırtdanlar"a qalib gəlməklə, ilk 2 pillədə yerini təmin edəcək.
H qrupunda Xorvatiya Slovakiyanı, Sloveniya Rusiyanı, Kipr isə Maltanı sınağa çəkəcək. Rusiya bu qrupda ilk 2 yerdən birini tutmaq üçün qələbə qazanmalıdır.
J qrupunda Rumıniya Ermənistanı, Şimali Makedoniya Almaniyanı, İslandiya Lixtenşteyni qəbul edəcək. Lider Almaniya səfərdə Şimali Makedoniyaya qalib gəlsə, Ermənistan isə xal itirsə, Bundestim vaxtından əvvəl dünya çempionatına vəsiqəni təmin edəcək.
Qeyd edək ki, dünya çempionatına birbaşa vəsiqəni 10 qrupda 1-ci yeri tutan komandalar qazanacaqlar. 2-ci pilləni tutan 10 ölkə Millətlər Liqasının ümumi reytinqində 2 qrup qalibləri ilə birgə pley-off mərhələsində üz-üzə gələrək, qalan 3 vəsiqənin sahibini müəyyənləşdirəcək.
DÇ-2022, seçmə mərhələ
VIII tur
11 oktyabr
E qrupu
22:45. Belarus - Çexiya - 0:2
Qollar: Patrik Şik, 22, Adam Qlojek, 65
22:45. Estoniya - Uels - 0:1
Qol: Kiffer Mur, 12
Xal durumu: Belçika - 16 (6 oyuna), Çexiya - 11 (7), Uels - 11 (6), Estoniya - 4 (6), Belarus - 3 (7).
G qrupu
22:45. Latviya - Türkiyə - 1:2
Qollar: Merih Demiral, 70 (avtoqol) - Serdar Dursun, 76, Burak Yılmaz, 90+9 (penalti)
22:45. Niderland - Cəbəllütariq - 6:0
Qollar: Vircil van Deyk, 9, Memfis Depay, 21; 45+3 (penalti), Denzel Dumfris, 48, Arno Dancuma, 75, Doniel Malen, 86
22:45. Norveç - Monteneqro - 2:0
Qollar: Məhəmməd Elyunussi, 29; 90+6
Qırmızı vərəqə: Marko Veşoviç, 90+4 (Monteneqro)
Xal durumu: Niderland - 19, Norveç - 17, Türkiyə - 15, Monteneqro - 11, Latviya - 5, Cəbəllütariq - 0.
H qrupu
20:00. Kipr - Malta - 2:2
Qollar: Fotis Papulis, 7, Pieros Sotiriu, 80 - Zak Muskat, 53, Yurgen Deqabriele, 90+8
22:45. Sloveniya - Rusiya - 1:2
Qollar: Yosip İliçiç, 40 - İqor Diveyev, 28, Georgi Cikiya, 32
22:45. Xorvatiya - Slovakiya - 2:2
Qollar: Andrey Kramariç, 25, Luka Modriç, 71 - İvan Şrants, 20, Lukaş Qaraslin, 45
Xal durumu: Rusiya - 19, Xorvatiya - 17, Slovakiya - 10, Sloveniya - 10, Malta - 5, Kipr - 5.
J qrupu
22:45. Şimali Makedoniya - Almaniya - 0:4
Qollar: Kay Haverts, 50, Timo Verner, 70; 73, Camal Musiala, 86
22:45. Rumıniya - Ermənistan - 1:0
Qol: Yonuts Mitritse, 26
22:45. İslandiya - Lixtenşteyn - 4:0
Qollar: Stefan-Teytür Tordarson, 19, Albert Qvüdmündsson, 35 (penalti), 79 (penalti), Andri Qudyonsen, 89
Qırmızı vərəqə: Martin Markser, 65 (İslandiya)
Xal durumu: Almaniya - 21, Rumıniya - 13, Şimali Makedoniya - 12, Ermənistan - 12, İslandiya - 8, Lixtenşteyn - 1.
