Futbol üzrə Azərbaycan Premyer Liqasında XI turun daha bir oyunu keçirilib.
Sportnet.az-ın məlumatına görə, "Neftçi" "Bakcell Arena"da "Sabah"la üz-üzə gəlib. Qarşılaşma qonaqların 2:1 hesablı qələbəsi ilə başa çatıb.
Matçda hesabı 33-cü dəqiqədə flaqmanın hücumçusu Ramon Maçado açıb. İlk hissə meydan sahiblərinin minimal üstünlüyü ilə başa çatıb. 53-cü dəqiqədə qonaqlar Coy-Lens Mikelsin qolu ilə tarazlığı bərpa ediblər. 69-cu dəqiqədə növbəti dəfə səhnəyə çıxan almaniyalı yarımmüdafiəçi komandasına qələbə qazandırıb. Bu, "ağ-qaralar"ın ardıcıl 3-cü məğlubiyyəti olub.
Bu nəticədən sonra xallarını 11-ə çatdıran "Sabah" "Sumqayıt"la birlikdə 5 - 6-cı yerləri bölüşdürür. 17 xalı olan "Neftçi" isə 4-cü pillədə qərarlaşıb.
Qeyd edək ki, XI turun ilk iki oyununda "Qarabağ" evdə "Keşlə"yə 1:0, "Zirə" isə "Səbail"ə 3:1 hesabı ilə qalib gəlib. Tura noyabrın 21-də oynanılacaq "Qəbələ" - "Sumqayıt" görüşü ilə yekun vurulacaq.
-----------------------------------------
Futbol üzrə Azərbaycan Premyer Liqasında XI turun daha bir görüşü keçirilib.
Sportnet.az-ın məlumatına görə, ikinci oyun gününün ilk matçında "Zirə" "Səbail"i qəbul edib. Zirə İdman Kompleksinin stadionunda oynanılan qarşılaşma meydan sahiblərinin 3:1 hesablı qələbəsi ilə başa çatıb.
Görüşdə hesabı 23-cü dəqiqədə Qismət Alıyev açıb. 47-ci dəqiqədə Davit Volkov fərqi artırıb. 74-cü dəqiqədə Loris Bronyo "dənizçilər"i 3-cü dəfə meydanın mərkəzinə dəvət edib. Matçda son nöqtəni isə 87-ci dəqiqədə qonaqlardan Rauf Əliyev qoyub. Penaltidən fərqlənən forvard yekun nəticəni müəyyənləşdirib.
Bu qələbədən sonra xallarını 19-a çatdıran "Zirə" 2-ci pilləyə yüksəlib. 9 xalı olan "Səbail" isə 7-ci sırada qalıb.
Günün ikinci oyununda "Neftçi" "Bakcell Arena"da "Sabah"la qarşılaşacaq.
Qeyd edək ki, XI turun açılış matçında "Qarabağ" evdə "Keşlə"ni minimal hesabla üstələyib - 1:0. Tura noyabrın 21-də baş tutacaq "Qəbələ" - "Sumqayıt" görüşü ilə yekun vurulacaq.
-------------------------------------
Bu gün futbol üzrə Azərbaycan Premyer Liqasında XI turun daha iki oyunu keçiriləcək.
Sportnet.az-ın məlumatına görə, günün ilk matçında "Zirə" "Səbail"i qəbul edəcək.
Meydan sahibləri 16 xalla 4-cü, qonaqlar 9 xalla 7-ci pillədə qərarlaşıb. Komandalar indiyədək Premyer Liqada 16 dəfə üz-üzə gəliblər. Bunların 9-da "qartallar", 3-də "dənizçilər" qələbə qazanıb. Topların fərqində də "Zirə"nin aşkar üstünlüyü var - 21:9. Son iki qarşılaşmada “Zirə” iki qolla üç xal qazanıb. "Səbail" isə ardıcıl 7 oyundur rəqibinə qalib gələ bilmir.
Günün digər görüşündə "Neftçi" "Sabah"la üz-üzə gələcək. Flaqman 17 xalla üçüncü, qonaqlar 8 xalla 8-ci sıradadır. Bu, komandaların çempionatdakı 13-cü qarşılaşması olacaq. Bu matçların 10-da "ağ-qaralar" qələbə qazanıbsa, ikisində heç-heçə qeydə alınıb. "Sabah" indiyədək rəqibini yenə bilməyib. Topların fərqi isə 25:6-dır.
Azərbaycan Premyer Liqası
XI tur
20 noyabr (şənbə)
16:00. “Zirə” – “Səbail” - 3:1
Qollar: Qismət Alıyev, 23. Davit Volkov, 47. Loris Bronyo, 74 - Rauf Əliyev, 87 (pen.)
Hakimlər: Əliyar Ağayev, Zeynal Zeynalov, Akif Əmirəli, Nicat İsmayıllı
Hakim-inspektor: Rövşən Əhmədov
AFFA nümayəndəsi: İlham Əliyev
Zirə İdman Kompleksinin stadionu
18:15. “Neftçi” – “Sabah” - 1:2
Qollar: Ramon Maçado, 33 - Coy-Lens Mikels, 53; 69
Hakimlər: Rəvan Həmzəzadə, Namiq Hüseynov, Cəmil Quliyev, Fərid Hacıyev
Hakim-inspektor: Anar Salmanov
AFFA nümayəndəsi: Seymur Səlimli
“Bakcell Arena”
Qeyd edək ki, tura noyabrın 21-də "Qəbələ" - "Sumqayıt" matçı ilə yekun vurulacaq.
