Topaz Premyer Liqasının XXIII turunda "Neftçi" üzərində qələbə qazanan "Qarabağ" 3 günlük istirahətdən sonra məşqləri bərpa edib. Sportnet.az-ın məlumatına görə, Ağdam klubu bugündən "Qəbələ" ilə oyunun hazırlıqlarına başlayıb.
Qurban Qurbanov millinin Türkiyə toplanışı səbəbi ilə məşqləri tam heyətlə keçə bilmir. Rəşad Sadıqov, Maksim Medvedev, Bədavi Hüseynov, Qara Qarayev, Vüqar Nadirov və Namiq Ələsgərov hazırlıq prosesinə qoşulmayıb.
Qeyd edək ki, "Qarabağ" - "Qəbələ" matçı fevralın 28-də keçiriləcək.
