Almaniyanın "Bavariya" futbol komandasının baş məşqçisi Xosep Qvardiola yol-nəqliyyat qəzasına uğrayıb. Sportnet.az-ın məlumatına görə, ispaniyalı mütəxəssis yüngül qəzadan zədəsiz ötüşə bilib.
Qvardiolanın avtomobili gec tormozlanıb və nəticədə digər maşınla toqquşub. Həmin avtomobilin də sürücüsü xəsarət almayıb.
Qeyd edək ki, "Bavariya" növbəti oyununu martın 4-də keçirəcək. Həmin gün münhenlilər Almaniya Kubokunun 1/4 finalında Braunşveyq "Ayntraxt"ı ilə üz-üzə gələcəklər.
