"Səhvlərimizin üzərində işləməliyik".
Sportnet.az-ın məlumatına görə, bunu "Neftçi"nin qapıçısı İvan Brkiç "Sabah"a 1:0 hesabı ilə qalib gəldikləri Azərbaycan Premyer Liqasının XXIII tur oyunundan sonra "CBC Sport"a açıqlamasında deyib.
27 yaşlı qolkiper vacib qələbə qazandıqlarını bildirib: "Çətin oyun oldu. Meydana 3 xal üçün çıxmışdıq. Buna nail olduğumuza görə çox sevinirəm. Növbəti oyunlar üçün bu matçdan nəticə çıxarmalı və səhvlərimiz üzərində işləməliyik".
Xorvatiyalı oyunçu ölkəyə və komandaya uyğunlaşdığını söyləyib: "Hər oyunçuya uyğunlaşmağa vaxt lazımdır. Özümü daha yaxşı tərəfdən göstərməyə və komandaya xeyir verməyə çalışıram".
