Qadın futbolçular arasında UEFA Çempionlar Liqasının yarımfinal mərhələsində İspaniya "Barselona"sı ilə Almaniya "Volfsburq"u arasında keçirilmiş ilk oyun tamaşaçı sayında yeni dünya rekordu ilə əlamətdar olub.
Sportnet.az-ın məlumatına görə, "Kamp Nou" stadionunda təşkil olunmuş qarşılaşmanı 91 648 tamaşaçı izləyib.
Görüş meydan sahiblərinin böyük hesablı qələbəsi ilə yekunlaşıb. Cavab oyunu aprelin 30-da Almaniyada olacaq.
Əvvəlki tamaşaçı rekordu martın 30-da "Barselona"nın İspaniya "Real Madrid"i ilə keçirdiyi Çempionlar Liqasının 1/4 final mərhələsinin cavab görüşünə təsadüf edib. Həmin qarşılaşma zamanı tribunalarda 91 533 nəfər olub.
Qeyd edək ki, Çempionlar Liqasında final oyunu mayın 21-də İtaliyanın Turin şəhərində gerçəkləşəcək. "Barselona" yarışın son qalibidir.
