Futbol üzrə Azərbaycan Kubokunda yarımfinalın növbəti iştirakçısı bəlli olub.
Sportnet.az-ın məlumatına görə, 1/4 final mərhələsinin cavab oyununda "Sabah"a 1:0 hesabı ilə qalib gələn "Səbail" adını növbəti raunda yazdırıb. Görüşdəki yeganə qolu 73-cü dəqiqədə qonaqların hücumçusu Qoba Zakpa vurub.
"Dənizçilər" "ASK Arena"dakı ilk qarşılaşmada da rəqibini məğlub etmişdi - 3:2. Beləliklə, iki görüşün nəticəsinə əsasən mərhələ adlayan Mahmud Qurbanovun baş məşqçi olduğu kollektiv yarımfinalda "Qəbələ"yə rəqib olub.
Qeyd edək ki, 1/4 finalın digər iki matçı dekabrın 20-də olacaq. "Turan Tovuz" "Kəpəz"i, "Neftçi" isə "Zirə"ni qəbul edəcək.
-------------------------------------------------
Azərbaycan Kubokunda 1/4 final mərhələsinin cavab oyunlarına start verilib.
Sportnet.az-ın məlumatına görə, günün ilk matçında "Qəbələ" turnirin son qalibi "Qarabağ"ı qəbul edib.
Qəbələ şəhər stadionundakı qarşılaşma meydan sahiblərinin 1:0 hesablı qələbəsi ilə bitib. Yeganə qolu 71-ci dəqiqədə Ramon Maçado vurub. İlk görüş 2:2 hesabı ilə başa çatdığı üçün "Qəbələ" yarımfinala yüksəlib.
"Qırmızı-qaralar" bu raundda "Sabah" - "Səbail" cütünün qalibi ilə görüşəcək. Bu oyun saat 19:00-da start götürəcək.
Qeyd edək ki, 1/4 finalın digər iki matçı dekabrın 20-də olacaq. "Turan Tovuz" "Kəpəz"i, "Neftçi" isə "Zirə"ni qəbul edəcək.
--------------------------------------------------
Bu gün futbol üzrə Azərbaycan Kubokunda 1/4 final mərhələsinin cavab matçları keçiriləcək.
Sportnet.az-ın məlumatına görə, ilk oyun günündə 2 qarşılaşma baş tutacaq.
Günün ilk görüşü Qəbələdə eyniadlı komanda ilə "Qarabağ" arasında baş tutacaq. Qarşılaşma saat 16:00-da başlayacaq. "Azersun Arena"dakı ilk oyunda qalib müəyyənləşməyib - 2:2.
Digər matçda isə "Sabah" "Səbail"i qəbul edəcək. "Bank Respublika Arena"dakı görüş saat 19:00-da start götürəcək. "ASK Arena"dakı ilk qarşılaşmada "dənizçilər" 3:2 hesablı qələbə qazanıb.
Azərbaycan Kuboku
1/4 final, cavab oyunları
19 dekabr
16:00. "Qəbələ" - "Qarabağ" - 1:0
Qol: Ramon Maçado, 71
İlk oyun - 2:2
Qəbələ şəhər stadionu
19:00. "Sabah" - "Səbail" - 0:1
Qol: Qoba Zakpa, 73
İlk oyun - 2:3
"Bank Respublika Arena"
Qeyd edək ki, 1/4 finalın digər iki oyunu dekabrın 20-də olacaq. "Turan Tovuz" "Kəpəz"i, "Neftçi" isə "Zirə"ni qəbul edəcək.
