Məşqçilik kruslarına qatılan "Səbail"in sabiq futbolçusu Maykl Essyen A lisenziyası alıb.
Sportnet.az-ın məlumatına görə, qanalı veteran yarımmüdafiəçi bu barədə özünün tviter səhifəsində paylaşım edib.
"Addım-addım öyrənirəm və məşqçi kimi böyüyürəm. A kateqroiyası aldığım üçün şadam. Bu işdə köməyi keçən hər kəsə təşəkkür edirəm", - ulduz futbolçu yazıb.
Qeyd edək ki, Maykl Essyen 2019-cu ilin martından 2020-ci ilin iyununadək müqavilə üzrə "Səbail"ə məxsus olub. O, paytaxt təmsilçisini tərk etdikdən sonra karyerasını bitirib. Afrikalı veteran futbolçu Fransanın "Lion", İngiltərənin "Çelsi", İspaniyanın "Real Madrid", İtaliyanın "Milan" və Yunanıstanın "Panatinaikos" komandalarında da çıxış edib.
