İtaliyanın "Milan" klubu heyətini yeni futbolçu ilə gücləndirib.
Sportnet.az xəbər verir ki, A Seriyası təmsilçisi "Valensiya"dan Yunus Musanı transfer edib. Bu barədə klubun mətbuat xidməti məlumat yayıb.
"Milan" ABŞ millisinin üzvü üçün İspaniya klubuna 20 milyon avro təzminat ödəyib. 20 yaşlı orta xətt oyunçusu Milan təmsilçisi ilə 2028-ci ilin yayına kimi nəzərdə tutulan müqavilə imzalayıb.
Qeyd edək ki, "Valensiya" Yunus Musanı 2019-cu ilin yayında "Arsenal"ın akademiyasından transfer etmişdi. Gənc oyunçu "yarasalar"ın heyətində son mövsümdə meydana çıxdığı 37 rəsmi matçda 2 qol ötürməsi ilə yadda qalıb.
