"Kəpəz" heyətinə yeni futbolçu qatıb.
Sportnet.az xəbər verir ki, bu barədə klubun mətbuat xidməti məlumat yayıb. Gəncə təmsilçisi Vüsal Məsimovu transfer edib. 23 yaşlı cinah müdafiəçisi ilə bir illik müqavilə imzalanıb.
Son olaraq "Turan Tovuz" klubunda çıxış etmiş Məsimov 2021/2022-ci illər mövsümündə "Kəpəz"in heyətində oynayıb.
Qeyd edək ki, "Kəpəz" bunadək Vurğun Hüseynov, Zamiq Əliyev, Rüfət Əhmədov, Əli Səmədov, Ehtiram Şahverdiyev, Elmir Tağıyev, Vladislav Vasilyuçek, Olavale Onanuqa və Latir Falı sıralarına cəlb edib.
