Azərbaycan Kubokunda 1/4 final mərhələsinə yekun vurulub.
Sportnet.az xəbər verir ki, sonuncu cavab matçında "Neftçi" "Sumqayıt"ı qəbul edib.
"Neftçi Arena"dakı qarşılaşma heç-heçə başa çatıb - 1:1.
Meydan sahiblərindən 26-cı dəqiqədə Filip Ozobiç fərqlənib. "Gənclik şəhəri" təmsilçisindən isə Roi Kehat 40-cı dəqiqədə tarazlığı bərpa edib.
Sumqayıtdakı ilk matçda rəqibini 3:2 hesabı ilə üstələyən "Neftçi" yarımfinala yüksəlib. Komanda bu raundda "Qarabağ"la üz-üzə gələcək.
---------------------------------------------
Azərbaycan Kubokunda daha bir yarımfinalçı müəyyənləşib.
Sportnet.az xəbər verir ki, 1/4 final mərhələsinin bu gün keçirilən cavab matçında "Qəbələ" "Araz-Naxçıvan"ı qəbul edib.
Qəbələ şəhər stadionunda gerçəkləşən qarşılaşma meydan sahiblərinin qələbəsi ilə bitib - 2:0. "Qırmızı-qaralar"ın heyətində 39-cu dəqiqədə Osama Xalayla, 42-ci dəqiqədə Urfan Abbasov fərqlənib. Bakıdakı ilk matçda rəqibi ilə heç-heçə (1:1) edən "Qəbələ" yarımfinala vəsiqə qazanıb. Komanda bu raundda "Zirə" ilə üz-üzə gələcək.
Qeyd edək ki, günün ikinci görüşündə "Neftçi" "Sumqayıt"ı qəbul edəcək. Ötən gün "Zirə" və "Qarabağ" yarımfinala yüksəlib.
-------------------------------------------
Azərbaycan Kubokunda bu gün son iki yarımfinalçının adına aydınlıq gələcək.
Sportnet.az xəbər verir ki, 1/4 final mərhələsinin bugünkü ilk cavab oyununda "Qəbələ" "Araz-Naxçıvan"ı qəbul edəcək.
Qəbələ şəhər stadionunda reallaşacaq qarşılaşma saat 16:00-da başlayacaq. Bakıdakı ilk matçda qalib müəyyənləşməyib - 1:1. Bu cütün qalibi "Zirə"yə rəqib olacaq.
Bu raunda "Neftçi" - "Sumqayıt" görüşü ilə yekun vurulacaq. Oyun saat 19:00-da start götürəcək. Sumqayıtdakı ilk matçda "ağ-qaralar" qələbə qazanıb - 3:2. Mərhələ adlayan tərəf yarımfinalda "Qarabağ"la üz-üzə gələcək.
Azərbaycan Kuboku
1/4 final, cavab oyunları
9 fevral
16:00. “Qəbələ” – “Araz-Naxçıvan” - 2:0
Qollar: Osama Xalayla, 39. Urfan Abbasov, 42
İlk oyun - 1:1
Hakimlər: İnqilab Məmmədov, Namiq Hüseynov, Rahil Ramazanov, Kamran Əliyev.
Hakim-inspektor: Rəhim Həsənov.
AFFA nümayəndəsi: Kifayət Mustafayeva.
Qəbələ şəhər stadionu
19:00. “Neftçi” – “Sumqayıt” - 1:1
Qollar: Filip Ozobiç, 26 - Roi Kehat, 41
İlk oyun - 3:2
Hakimlər: Kamal Umudlu, Vüsal Məmmədov, Rəhman İmami, Nicat İsmayıllı.
Hakim-inspektor: İmanxan Sultani.
AFFA nümayəndəsi: Elgiz Abbasov.
“Neftçi Arena”
Qeyd edək ki, daha əvvəl "Zirə" və "Qarabağ" yarımfinala yüksəlib.
