Azərbaycan Premyer Liqasında XXXIV tura yekun vurulub.
Sportnet.az xəbər verir ki, günün ikinci matçında "Sumqayıt" "Səbail"i qəbul edib.
Qarşılaşma "gənclik şəhəri" təmsilçisinin qələbəsi ilə bitib - 2:1.
41 (penalti) və 45-ci dəqiqələrdə Kasimir Ninqa fərqlənib. Qonaqlarda 90+4-cü dəqiqədə Aleksandr Ramalinqom qollardan birinin əvəzini çıxa bilib.
Xallarının sayını 54-ə çatdıran meydan sahibləri ikinci pilləyə yüksəlib. "Dənizçilər" 42 xalla 7-cidir.
Günün ilk görüşündə "Qəbələ" evdə "Sabah"a qalib gəlib - 2:0.
Qeyd edək ki, daha əvvəl "Neftçi" "Kəpəz"i (5:1), "Turan Tovuz" "Araz-Naxçıvan"ı (1:0), "Qarabağ" "Zirə"ni (1:0) məğlub edib.
----------------------------------------------
Azərbaycan Premyer Liqasında XXXIV turun daha bir oyunu keçirilib.
Sportnet.az xəbər verir ki, günün ilk matçında çempionatda sonuncu olacağı dəqiqləşən "Qəbələ" "Sabah"ı qəbul edib.
Qarşılaşma meydan sahiblərinin qələbəsi ilə bitib -2:0. 33-cü dəqiqədə Əyyub Əllaş, 45+1-ci dəqiqədə Klesio Bauk fərqlənib.
65-ci dəqiqədə Davit Volkov birbaşa qırmızı vərəqə alaraq paytaxt təmsilçisini azlıqda qoyub.
"Qəbələ" qalibiyyət sayəsində xallarının sayını 23-ə çatdırıb. "Sabah" hələlik 52 xalla 4-cü sıradadır.
Bu gün "Sumqayıt" - "Səbail" görüşü də baş tutacaq.
Qeyd edək ki, daha əvvəl "Neftçi" "Kəpəz"i (5:1), "Turan Tovuz" "Araz-Naxçıvan"ı (1:0), "Qarabağ" "Zirə"ni (1:0) məğlub edib.
----------------------------
Bu gün futbol üzrə Azərbaycan Premyer Liqasında XXXIV tura yekun vurulacaq.
Sportnet.az xəbər verir ki, son gündə iki qarşılaşma gerçəkləşəcək.
Çempionatda sonuncu olacağı dəqiqləşən "Qəbələ" avrokuboklara iddialı "Sabah"ı qəbul edəcək. "Qırmızı-qaralar"ın 20 xalı var. Paytaxt təmsilçisi hələlik 52 xalla 4-cü pillədə qərarlaşıb.
Tur Sumqayıtda başa çatacaq. Şəhərin eyniadlı komandası "Səbail"i sınağa çəkəcək. "Gənclik şəhəri" təmsilçisi 51 xalla 5-ci "dənizçilər" 42 xalla 7-ci sıradadır.
Azərbaycan Premyer Liqası
XXXIV tur
17:00. “Qəbələ” – “Sabah” - 2:0
Qollar: Əyyub Allaş, 33. Klesio Bauk, 45+1
Hakimlər: Elçin Məsiyev, Elşad Abdullayev, Pərvin Talıbov, Rəşad Əhmədov
Hakim-inspektor: İmanxan Sultani
AFFA nümayəndəsi: Erkin Hüseynov
Qəbələ şəhər stadionu
19:30. "Sumqayıt” – “Səbail” - 2:1
Qollar: Kazimir Ninqa, 41 (pen.); 45 - Aleksandr Ramalinqom, 90+4
Hakimlər: Rəvan Həmzəzadə, Kamran Bayramov, Şirmamed Mamedov, Kamal Umudlu
Hakim-inspektor: Rəhim Həsənov
AFFA nümayəndəsi: Elçin Məmmədov
M.Hüseynzadə adına Sumqayıt şəhər stadionu
Qeyd edək ki, daha əvvəl "Neftçi" "Kəpəz"i (5:1), "Turan Tovuz" "Araz-Naxçıvan"ı, "Qarabağ" "Zirə"ni (hər ikisi 1:0) məğlub edib.
