2016-cı il Rio-de-Janeyro Yay Paralimpiya Oyunlarında iştirak edən cüdoçu Ramil Qasımov finalda qalib gəlib. Sportnet.az-ın məlumatına görə, təmsilçimiz 73 kq çəkidə gedən mübarizənin qızıl medalçısını müəyyən etmək üçün ukraynalı Dmitro Soloveylə döyüşdə təmiz qələbə qazanıb.
Bununla da ölkəmiz bu turnirdə ilk çempionğunu qazanıb. Dünən startı verilən paralimpiadada ilk medalı da cüdoçumuz qazanıb. Bu, gümüş mükafat sahibi olan Bayram Mustafayev (66 kq) olub.
81 kq-da çıxış edən Rövşən Səfərov aktivinə bürünc medal qazandıra bilər. Bunun üçün o, 2 qələbə qazanmalıdır. R.Səfərov ilk təsəlliverici görüşdə argentinalı Xose Effronu məğlub edib. Onun bürünc uğrunda rəqibi Böyül Brtinaniyadan Conatan Dreyn olacaq.
Xatırladaq ki, qadınların mübarizəsində Səbinə Abdullayeva medalsız qalıb. O, 57 kq-da gedən mübarizənin təsəlliverici görüşündə Çin paralimpiyaçısı Liyinq Vanqa uduzub.
