Azərbaycan 2016-cı il Rio-de-Janeyro Yay Paralimpiya Oyunlarında 3-cü medalını qazanıb. Sportnet.az-ın məumatına görə, buna 81 kq çəkidə çıxış edən cüdoçu Rövşən Səfərov nail olub.
Finaladək gedən yolda büdrəyən Səfərova bürünc medal şansı qalırdı ki, bunun üçün 2 qələbə lazım idi. İlk təsəlliverici görüşdə argentinalı Xose Effronu məğlub edən Rövşən bürünc uğrunda qarşılaşmada böyük britaniyalı Conatan Dreyndən üstün olub.
Bununla da ölkəmiz Riodakı paraalimpiadada medal kolleksiyasını doldurub. Özü də bunların hamısına cüdoda nail olunub. Ramil Qasımov (73 kq) qızıl, Bayram Mustafayev (66 kq) gümüş medal qazanıb.
