Cənubi Koreyanın Pxençxan şəhərindəki XXXIII Qış Olimpiya Oyunlarında fiqurlu konkisürmə üzrə rəqs duetinin çıxışı zamanı kuryoz olay baş verib.
Sportnet.az-ın məlumatına görə, fransalı qadın idmançı Qabriela Papadakisin donu açılıb. Nəticədə onun sinəsi çöldə qalıb. Papadakis baş verənləri dəhşət adlandırıb: "Sinəmin açıldığını dərhal hiss etdim. Bu zaman dua etməyə başladım ki, don tam əynimdən çıxmasın. Əlimdən başqa heç nə gəlmirdi. Bu, mənim diqqətimi yayındırdı. Olimpiadada belə halın baş verməsi dəhşətdir".
Qeyd edək ki, açılmış don fiqurlu konkisürmə duetinin çıxışına elə də təsir etməyib. Qısa proqramdan sonra Qabriela Papadakisin Giyom Sizeronla birgə dueti 81,93 xalla ikinci yeri tutub.
