"Bakı 2017" IV İslam Həmrəyliyi Oyunlarında çıxış edən Azərbaycanın güllə atıcısı Ruslan Lunyov daha bir qızıl medal qazanıb.
Sportnet.az-ın məlumatına görə, 28 yaşlı idmançı bu dəfə tapançadan 25 metr məsafəyə sürətli atış yarışında fərqlənib.
Seçmə mərhələdə 11 iştirakçı arasında 1-ci yeri tutaraq, finala yüksələn Lunyov həlledici mərhələdə də bütün rəqiblərini üstələyib. Gümüş medalı türkiyəli Murat Kılıç, bürünc medalı isə omanlı Səid əl-Haşmi qazanıb.
Qeyd edək ki, Ruslan Lunyov ötən gün 25 metr məsafəyə mərkəzə atış yarışında qızıl medala sahib olub.
