"Rio-2016" Yay Olimpiya Oyunlarında mübarizə aparan Azərbaycanın yunan-Roma güləşçilərindən növbəti ikisi mübarizəyə başlayır. Sportnet.az-ın məlumatına görə, sabah ağır çəkidə çıxış edəcək iranlı legionerlər Sabah Şəriəti ilə Saman Təhmasibinin ilk rəqibləri müəyyənləşib.
85 kq çəkidə 1/16 finaldan mübarizəyə qoşulacaq Təhmasibi rusiyalı Davit Çakvetadze ilə qarşılaşacaq. Olimpiadaya 1/8 finaldan başlayan Şəriəti isə amerikalı Smit Robert Timoti Davidlə üz-üzə gələcək.
Xatırladaq ki, yunan-Roma güləşində "Rio-2016"da ilk iki təmsilçimiz - Elvin Mürsəliyevlə Rövşən Bayramov finala vəsiqə qazana bilməyiblər.
