AFFA Gürcüstan Futbol Federasiyasına (GFF) iyulun 2-si Avropa Liqasının birinci təsnifat mərhələsi çərçivəsində Tiflisdə baş tutan "Dinamo" - "Qəbələ" oyununda yerli azarkeşlərin qonaq fanatlara hücumu və Azərbaycan bayrağını onlardan alaraq təhqir etməsi ilə bağlı etiraz məktubu göndərib. Bu barədə Sportnet.az-a AFFA-nın Mətbuat və İctimaiyyətlə Əlaqələr Departamentinin rəisi Mikayıl Nərimanoğlu məlumat verib.
O bildirib ki, GFF faktla bağlı araşdırma aparıldığını bildirib: "Biz oyun vaxtı bundan xəbər tutduq və dərhal xəbər verdik. Hadisə ilə bağlı lazımı tədbirlər görüləcək".
Qeyd edək ki, cavab görüşü iyulun 9-da Qəbələ şəhər stadionunda baş tutacaq
