"Kəpəz” – AZAL yoxlama oyununu tribunalardan azsaylı azarkeşlərlə yanaşı, Gəncə klubunun Müşahidə Şurasının sədri Elmir Vəliyev, qurumun üzvü Mikayıl Nərimanoğlu və icraçı direktor Mehman Allahverdiyev də izləyib. Sportnet.az-ın məlumatına görə, oyundan sonra onlar futbolçular və məşqçilər korpusu ilə görüşüb. Komandanı qələbə münasibəti ilə təbrik edən Elmir Vəliyev oyundan və nəticədən razı qaldığını bildirib.
Vəliyev "Kəpəz”in belə qələbələrlə azarkeşləri çempionat oyunlarında sevindirməli olduğunu söyləyib. Görüşün sonunda komanda üzvlərinə uğurlar arzulanıb.
