"Neftçi”nin baş məşqçisi Böyükağa Hacıyev Avropa Liqasında püşkatmanın nəticələrinə münasibət bildirib. Sportnet.az-ın məlumatına görə, təcrübəli mütəxəssis püşkatmanı Allahın qisməti adlandırıb.
Hacıyev deyib: "Buna biz heç bir narazılıq bildirə bilmərik. Çünki komandalardan hansının bizə rəqib olacağını hələ bilmirik. Rəqibimiz iyulun 10-da müəyyənləşəcək. İyulun 3-də və ya 10-da Sloveniya və ya Çernoqoriyada keçiriləcək oyunlardan birini əyani baxmağa hazırlaşıram. Bundan sonra komandalar haqqında tam təsəvvürüm olacaq və rəqib haqda fikir yürüdə biləcəyəm".
Baş məşqçi Avroliqanın II təsnifat mərhələsinin oyunlarına qələbə əzmi ilə çıxacaqlarını əlavə edib: "Rəqibimiz kim olursa olsun, biz yenə oyuna yüksək əhval-ruhiyyə və qələbə əzmi ilə çıxacağıq. Açığı, bu gün bizim az da olsa rəqibdən nə qorxacaq, nə də çəkinəcək yerimiz var. Hər şeydən əvvəl komandanı oyunlara düzgün hazırlamalıyıq. Bu yöndə də artıq Boluda işlərimiz başlayıb və sona yetmək üzrədir. Yəqin ki, Avstriya toplanışı zamanı bu məsələlərin hamısına nöqtə qoyulacaq. Rəqibimiz istər Sloveniya, istərsə də Monteneqro komandası olsun, biz meydana yalnız mərhələ keçmək əzmi ilə çıxacağıq. İlk oyunu harada keçirməyimizin fərqi yoxdur, vuranla vurulanın yerini dəyişdikdə hasil dəyişməz. Onsuz da iki oyun keçiriləcək, istər ilk oyun evdə olsun, istər səfərdə... Hər ikisinə hazır olmalıyıq. Əgər Avropada oynayırsa, rəqibimiz zəif ola bilməz, deməli, ölkəsinin yaxşı klublarından biridir. Ona görə də rəqibi qiymətləndiririk, hörmətlə yanaşırıq. Bu oyunlara çox ciddi hazırlaşacağıq”.
Hacıyev deyib: "Buna biz heç bir narazılıq bildirə bilmərik. Çünki komandalardan hansının bizə rəqib olacağını hələ bilmirik. Rəqibimiz iyulun 10-da müəyyənləşəcək. İyulun 3-də və ya 10-da Sloveniya və ya Çernoqoriyada keçiriləcək oyunlardan birini əyani baxmağa hazırlaşıram. Bundan sonra komandalar haqqında tam təsəvvürüm olacaq və rəqib haqda fikir yürüdə biləcəyəm".
Baş məşqçi Avroliqanın II təsnifat mərhələsinin oyunlarına qələbə əzmi ilə çıxacaqlarını əlavə edib: "Rəqibimiz kim olursa olsun, biz yenə oyuna yüksək əhval-ruhiyyə və qələbə əzmi ilə çıxacağıq. Açığı, bu gün bizim az da olsa rəqibdən nə qorxacaq, nə də çəkinəcək yerimiz var. Hər şeydən əvvəl komandanı oyunlara düzgün hazırlamalıyıq. Bu yöndə də artıq Boluda işlərimiz başlayıb və sona yetmək üzrədir. Yəqin ki, Avstriya toplanışı zamanı bu məsələlərin hamısına nöqtə qoyulacaq. Rəqibimiz istər Sloveniya, istərsə də Monteneqro komandası olsun, biz meydana yalnız mərhələ keçmək əzmi ilə çıxacağıq. İlk oyunu harada keçirməyimizin fərqi yoxdur, vuranla vurulanın yerini dəyişdikdə hasil dəyişməz. Onsuz da iki oyun keçiriləcək, istər ilk oyun evdə olsun, istər səfərdə... Hər ikisinə hazır olmalıyıq. Əgər Avropada oynayırsa, rəqibimiz zəif ola bilməz, deməli, ölkəsinin yaxşı klublarından biridir. Ona görə də rəqibi qiymətləndiririk, hörmətlə yanaşırıq. Bu oyunlara çox ciddi hazırlaşacağıq”.
Qeyd edək ki, "Neftçi” Avropa Liqasının II təsnifat mərhələsində "Koper” (Sloveniya) - "Çelik” (Çernoqoriya) cütünün qalibi ilə qarşılaşacaq. İlk oyun iyulun 17-də Bakıda, cavab görüşü isə iyulun 24-də səfərdə keçirəcək.
