FİFA DÇ-2018-in seçmə mərhələsinin püşkatmasında sıralamanı açıqlayıb. Sportnet.az-ın məlumatına görə, bu barədə qurumun rəsmi saytı xəbər verib.
İlk olaraq qitələr arası püşk atılacaq. Burada hansı konfederasiyanın (Asiya, Okeaniya, Cənubi Amerika, Şimalı Amerika, Mərkəzi Amerika, Karrib ölkələri, KONKAKAF) təmsilçiləri öz aralarında qarşılaşacaqları məlum olacaq.
Bundan sonra isə püşkatma bu sıra ilə keçiriləcək: Afrika, Avropa, Şimalı və mərkəzi Amerika, Okeaniya, Cənubi Amerika. Avropa zonasında iştirak edən Azərbaycan millisi 6 səbətdən 5-cisində yer alacaq.
Püşkatma mərasimi FİFA-nın baş katibi Jer Valke rəhbərliyi altında keçəcək.
