Bosniya və Herseqovina millisinin və İngiltərənin "Stok Siti" komandasının qapıçısı Asmir Beqoviç "Çelsi" ilə müqavilə bağlayıb. Sportnet.az-ın "zadəganlar"ın rəsmi saytına istinadən verdiyi məlumata görə, anlaşma müddəti 4 illikdir.
Beqoviç Premyer Liqa qalibinin heyətində 1 nömrəli formada çıxış edəcək. O, "Arsenal"a keçən Petr Çexin əvəzinə alınıb. Bu transferin "Çelsi"yə 8 milyon funt sterlinqə başa gəldiyi bildirilir.
Qeyd edək ki, Asmir Beqoviç Bosniya və Herseqovina millisinin əsas qapıçısı sayılır. Komandanın ehtiyat qapıçılrından biri isə "Qarabağ"da çıxış edən İbrahim Şehiçdir.
