Türkiyənin "Boluspor" klubunun baş məşqçisi Ümid Özatın istefasının pərdarxası məqamları ortaya çıxıb. Sportnet.az-ın Türkiyə mətbuatına istinadən məlumatına görə, buna səbəb mütəxəssisin istədiyi transferləri klub rəhbərliyinin qəbul etməməsi olub.
Rəhbərliyin almaq istəmədiyi futbolçular isə Ruslan Tağızadə ilə Nurlan Novruzovdur. Lakin buna baxmayaraq Özat bu futbolçularla danışıqlar aparıb və Boluya dəvət edib. Hətta baş məşqçisinin öz təşəbbüsü ilə futbolçulara bilet aldığı iddia olunur. Yekunda klub rəhbərliyi baş məşqçinin istəyini həyata keçirməyib və buna görə Ümid Özat "Boluspor"dan ayrılıb.
