Bakının "İnter" klubu bu gün keçirəcəyi Avropa Liqasının II təsnifat mərhələsinin ilk oyunu öncəsi sonuncu futbolçunu sifariş edib. Sportnet.az-ın məlumatına görə, bu, bir neçə gün öncə "bankirlər"in düşərgəsinə qoşulan İvan Benitesdir.
İspaniyalı müdafiəçi 2014-2015 mövsümünün sonunda klubla yollarını ayırıb. Lakin o, I təsnifat mərhələsindən sonra komandaya qayıdıb. 27 yaşlı Benites UEFA-ya 44 nömrəli forma ilə sifariş olunub.
Qeyd edək ki, "İnter" Avropa Liqasının II təsnifat mərhələsində İslandiya "Hafnarfyordur"u ilə üz-üzə gələcək. İlk oyun bu gecə Bakı vaxtı ilə saat 00:15-də səfərdə keçiriləcək. Cavab görüşü isə iyulun 23-də Bakıda olacaq.
