Türkiyə Super Liqasında ilk istefa gerçəkləşib. Sportnet.az-ın məlumatına görə, ilk 2 turda uğursuzluğa düçar olan "Gənclərbirliyi" klubu baş məşqçisi Stüart Baksterlə yollarını ayırıb.
62 yaşlı mütəxəssis qarşılıqlı razılıq əsasında postunu tərk edib. Yeni baş məşqçi tapılanadək bu vəzifə Baksterin köməkçisi olmuş Naci Şensoya tapşırılıb. Vaxtilə Azərbaycanda "Turan"a da rəhbərlik etmiş Şensoy komandanı növbəti turda "Kasımpaşa" ilə oyuna hazırlayacaq.
Qeyd edək ki, "Gənclərbirliyi" ilk 2 turda "Çaykur Rizespor"a 2:3, "Antalyaspor"a 1:3 hesabı ilə uduzub.
