AVRO-2016-nın final mərhələsinə daha 2 ölkə yığması vəsiqə qazanıb. Sportnet.az-ın məlumatına görə, bunlar İslandiya və Çexiya milliləridir.
Hər iki komanda A qrupunda yer alıb. Hər iki komanda sona 2 tur qalmış qrupda 19 xalla ilk 2 yeri bölüşür. İslandiya evdə Qazaxıstanla qolsuz heç-heçə sayəsində tarixində ilk dəfə bu hüquqa yiyələnib. Çexiya isə səfərdə Latviyaya qalib gəlib - 2:1.
Beləliklə, final mərhələsində iştirakçıların sayı 4-ə çatıb. Təşkilatçı Fransadan əlavə, İngiltərə də daha öncə bu hüquqa yiyələnib. AVRO-2016-da ümumilikdə 24 komanda yarışacaq.
