AVRO-2016-nın seçmə qrup mərhələsində Azərbaycan millisinin rəqibi olan Xorvatiya yığmasının baş məşqçisi Niko Kovaç istefaya göndərilib. Sportnet.az-ın məlumatına görə, bu barədə Xorvatiya Futbol Federasiyası xəbər yayıb.
İstefaya səbəb isə Xorvatiyanın uğurlu çıxış etməməsidir. Kovaçın başçılıq etdiyi komanda son iki oyunda cəmi bir xal qazanıb. Xorvatlar Bakıda Azərbaycanla görüşdən qolsuz bərabərliklə ayrıldıqdan sonra Norveçlə səfər oyununda meydan 0:2 hesbalı məğlubiyyətlə tərk edib. Nəticədə komanda qrupda 3-cü pilləyə enib.
N.Kovaç istefa qərarından sonra ictimaiyyətə açıq məktub ünvanlayıb bə yığma komandaya uğurlar arzulayaraq Xorvatiyanın azarkeşi olaraq qalacağını bildirib.
