"Qəbələ” klubu növbəti oyunların hazırlıqlarına start verib. Sportnet.az-ın klubun rəsmi saytına istinadən məlumatına görə, "qırmızı-qaralar”ın oktyabrın 8-dəki axşam məşqi Qəbələ şəhər stadionunda baş tutub.
Növbəti turun qarşılaşmasını oktyabrın 18-də "Neftçi”yə qarşı keçirəcək baş məşqçi Roman Qriqorçukun komandası milli komandaların oyunları ilə əlaqədar yaranan fasilədə yoxlama matçında qüvvəsini sınayacaq. "Qəbələ" oktyabrın 11-də "Qarabağ”la qarşılaşacaq. Yığmaların düşərgəsində olan futbolçuların iştirak etməyəcəyi matç Qəbələ şəhər stadionunda keçiriləcək.
Qeyd edək ki, hazırda "Qarabağ"la "Qəbələ" Azərbaycan Premyer Liqasında ilk 2 yerdə qərarlaşıb. Onlar Avropa Liqasının qrup mərhələsində də mübarizə aparırlar.
