Azərbaycan I divizionunda çıxış edən Qusarın "Şahdağ" klubunun baş məşqçisi Telman Cavadov istefa verib. Sportnet.az-ın məlumatına görə, istefa Azərbaycan Kubokunun ilkin təsnifat mərhələsində "Şəmkir"lə oyunda qeydə alınan məğlubiyyətdən (1:3) )sonra baş tutub.
İstefaya səbəb komandanın kubokla yanaşı çempionatda da uğursuz çıxış etməsidir. Birinci dəstədə 5 oyundan 1 xal toplayan klub 14 komanda arasında 13-cüdür.
Klubun sosial şəbəkədəki rəsmi səhifəsində T.Cavadovun Qusar təmsilçisində başqa vəzifədə çalışacağı bildirilib.
