Azərbaycan Cüdo Federasiyasının (ACF) prezidenti Rövnəq Abdullayev Fransaya yollanıb. Federasiyanın mətbuat xidmətindən Sportnet.az-a verilən məlumata görə, səfəri zamanı R.Abdullayev Parisdə Beynəlxalq Cüdo Federasiyasının (İJF) prezidenti Marius Vizerlə görüşüb.
M.Vizer azərbaycanlı qonağı yeni vəzifə münasibətilə təbrik edib. O, Azərbaycanda idmana, o cümlədən, cüdoya dövlət səviyyəsində göstərilən qayğını yüksək qiymətləndirib, "Bakı 2015" I Avropa Oyunlarının yüksək səviyyədə təşkil olunduğunu vurğulayıb.
Qeyd edək ki, Azərbycan cüdoçuları hazırda Parisdə keçirilən "Böyük Dəbilqə" turnirində mübarizə aparırlar. Yarışı izləyənlər arasında ACF-nin vitse-prezidentleri Sadıq Sadıqovla Elnur Memmedli də var.
