"Rəvan”la matçdan sonra düşərgədə vəziyyət yaxşı idi. Biz Lənkərana qələbə üçün gəlmişdik. Sadəcə, bəxtimiz gətirmədi". Sportnet.az-ın məlumatına görə, bunu "Xəzər Lənkəran"a 1:3 hesabı ilə uduzduqları Azərbaycan Premyer Liqasının VIII tur matçından sonra AZAL komandasının baş məşqçisi Tərlan Əhmədov deyib.
O bildirib ki, meydan sahibləri layiq olduğu qələbəni qazanıb: "Məğlub olsaq da, sərgilənən futbola iradım yoxdur. Hazırkı heyətlə biz bu mübarizəyə girişmişik, mübarizə aparırıq və aparacağıq da. Məlumunuz olsun ki, mən istədiyim komandanı hələ qura bilməmişəm. Məğlub olmuşuqsa, burada ən böyük günahkar mənəm”.
