"Qarabağ"a qarşı oyunumuz çox çətin olacaq". Sportnet.az-ın məlumatına görə, bunu "Belçika Anderlext"inin futbolçusu Giyom Jiye yerli mətbuata açıqlamasında deyib.
Jiye komandasının qrup mərhələsində vurduğu 6 qoldan yarısının müəllifi sayılır. Klubu isə yalnız "Qarabağ"ın qapısından top keçirə bilməyib. Bakıdakı matçda "Anderlext" 0:1 hesabı ilə uduzub. Bununla belə, 31 yaşlı yarımmüdafiəçi komandasının belə mürəkkəb sınaqlardan üzüağ çıxma təcrübəsinə malik olduğunu iddia edib: "Düzdür, bizim böyük xidmətlərimiz olmayıb. Amma hamının eyni hədəf uğrunda bir araya gəlməyi vacibdir. Həmçinin, baş məşqçi Besnik Hasinin də işini qeyd etməliyik. Onun etdiyi dəyişiklikləri sayəsində oyundan-oyuna artırırıq".
Qeyd edək ki, J qrupunda yer alan "Anderlext"lə "Qarabağ" arasındakı oyun dekabrın 10-da Brüsseldə keçiriləcək. Son tur öncəsi Belçika təmsilçisi 7 xalla 2-ci, Azərbaycan komandası isə 4 xalla sonuncu pillədə qərarlaşıb. İngiltərə "Tottenhem"i 10 xalla növbəti mərhələyə vəsiqəni təmin edib. Son turda "Tottenhem"in qonağı olacaq Fransa "Monako"sunun isə 6 xalı var.
