"Açığı, Azərbaycan stadionları xoşuma gəlmir. Əlbəttə, söhbət bu yaxınlarda açılan Bakı Olimpiya Stadionundan getmir". Sportnet.az-ın məlumatına görə, bunu "Qəbələ"nin baş məşqçisi Roman Qriqorçuk "Latviya futbolu" jurnalına müsahibəsində deyib.
Ukraynalı mütəxəssisin fikrincə, çalışdığı klub şəxsi müasir stadiona malik olmalıdır. Belə problemin Azərbaycan komandalarından çoxunda olduğunu söyləyən Qriqorçuk "Qəbələ" rəhbərliyinin onu gözəl başa düşdüyünü bildirib: "Biz bu barədə çox danışmışıq. Ona görə də mənə vəd etdilər ki, yeni arenanın inşası klub üçün problem olmayacaq. Klub rəhbərlərinin ambisiyaları "Qəəbələ"nin Avropa Liqasının qrup mərhələsində iştirakından sonra artdı. Hamı yalnız klubun inkişafında maraqlıdır".
