"Qarabağ" Çempionlar Liqasının III təsnifat mərhələsinə vəsiqə qazanacağı təqdirdə Avstriyanın "Zalsburq" klubu ilə qarşılaşacaq. Klubun baş direktoru Əmrah Çəlikəl Sportnet.az-a açıqlamasında bu gün keçirilmiş püşkatmanın nəticəsini dəyərləndirib.
Klub rəsmisi indidən nəsə deməyin tez olduğunu, lakin iddialı olduqlarını bildirib: "Mərhələ keçsək rəqibimiz "Zalsburq" olacaq. İndidən nəsə danışmaq tezdir. Mərhələ keçdikdən sonra bu haqda danışmaq olar. Əlbəttə "Zalsburq" yetərincə tanınmış komandadır. Amma ilk planımız "Vallaetta" ilə oyunu qalibiyyətlə başa vurmaqdır. Təbii ki, iddialıyıq. Hədəfimiz nəinki "Valletta"nı, "Zalsburq"u da keçməkdir. Amma real danışmaq lazımdır. Bu gün rəqibimiz "Valletta"dır və iyulun 22-də keçirəcəyimiz cavab görüşündən sonra "Zalsburq"la matç barədə düşünmək olar".
Qeyd edək ki, "Qarabağ" II təsnifat mərhələsinin ilk görüşündə "Valletta"nı Maltada yenib - 1:0.
Qeyd edək ki, "Qarabağ" II təsnifat mərhələsinin ilk görüşündə "Valletta"nı Maltada yenib - 1:0.
