Hollandiyanın AZ komandasının baş məşqçisi Marko van Basten "Qəbələ" üzərində 2:0 hesablı qələbə qazandıqları yoxlama matçından sonra fikirlərini bildirib. Sportnet.az-ın məlumatına görə, hollandiyalı mütəxəssis matçın gərgin keçdiyini söyləyib.
O, "Qəbələ"nin gözəl oyun nümayiş etdirdiyini deyib: "Qarşımızda yaxşı təşkilatlanmış və intizamlı bir rəqib gördük. Matç boyunca yaxşı qol imkanları yaxaladılar. Düşünürəm ki, hazırlıq baxımından hər iki komanda üçün yararlı bir qarşılaşma oldu. Oyundan da, nəticədən də razı qaldım. "Qəbələ" haqda ətraflı məlumatımız yox idi. Bu matça digər oyunlara hazırlaşdığımız kimi ciddi hazırlaşmışdıq. "Qəbələ"nin Akademiya direktoru Stenli Brarddan rəqib haqda məlumat ala bilərdim. Lakin onunla bu barədə danışmamışıq".
Qeyd edək ki, "Qəbələ" Hollandiya toplanışında növbəti yoxlama matçını iyulun 23-də Türkiyə "Konyaspor"una qarşı keçirəcək.
Qeyd edək ki, "Qəbələ" Hollandiya toplanışında növbəti yoxlama matçını iyulun 23-də Türkiyə "Konyaspor"una qarşı keçirəcək.
